Facebook အေကာင္႔အလြယ္တကူဖြင္႔နည္း 100%

 

ခောတ်ကပြောင်းသလိုလိုရှိလာတော့ Skill ရှိပြီးသားသူတစ်ချို့နေရာကောင်းကောင်းရလာသည်။ လစာတွေကလဲ မြင့်လာကြသည်။ လုပ်ငန်းခွင်ဖွဲ့စည်းပုံတွေမှာလည်း နိုင်ငံခြားသားတစ်ဝက် မြန်မာ တစ်ဝက်ဖြစ်လာကြသည်။ နိုင်ငံခြားသားဆိုရာမှာ အရင်တုန်းကလို ဥရောပသား ၊ အနောက်သားတွေ ချည်းမဟုတ်ပဲ ဒေသတွင်းက ဖိလစ်ပိုင် ၊ ထိုင်း၊ ဟောင်ကောင် ၊ နောက် အာဖရိကဘက်က သူတွေပါ ပါဝင်လာကြသည်။ ဒါက ဒီမိုကရေစီ သံနဲနဲလေး စွက်လာသော မြန်မာပြည်၏ စီးပွားရေးနယ်ပယ် အခင်းအကျင်းဖြစ်သည်။ တစ်ဖက်က နိုင်ငံရေးရာ ကိစ္စများ၏ ရှတ်ထွေးမှုများကိုလဲ မြင်နေရသေးသော အချိန်ဖြစ်သည်။ 

ဆိုတော့ … လူငယ်တွေတော်စေ့ချင်သည်။ သိစေချင်သည်။ ကိုယ်ကိုယ်တိုင်လည်း ဒရွတ်တိုက် သွားနေရသေးသော အခြေအနေတွင် အနှိမ်မခံရစေလိုပါ။ နိုင်ငံတစ်ကာ ဆန်ဆန်ဖြစ်လာချိန်တွင် ကိုယ့်ထက်က ကြွယ်နိုင်သမျှကြွယ်ဖို့လိုပါသည်။ ဒါကြောင့် … ကျွန်တော်ဖတ်ဖြစ်ခဲ့သော မားကတ်တင်း၏ အဆင့်ဆင့်ဖွ ံ့ဖြိုးမှုအကြောင်းလေးကို မျှဝေပါမည်။

ရှေးဦးစွာပြောလိုသည်မှာ Phillip Kotler နှင့် Gary Amstrong တို့၏ Principles of Marketing 13th Edition မှ ထုတ်နုတ်ထားခြင်းကို ဖြစ်ပါသည်။

မားကတ်တင်းနှင့်ပတ်သတ်၍ အဖွဲ့အစည်းတို့၏ ပုံစံနှင့် လမ်းကြောင်းကိုလိုက်ကာ သုံးစွဲသော အယူအဆ ၅ မျိုးရှိသည်။ ၎င်းတို့မှာ Production Concept ၊ Product Concept ၊ Selling Concept ၊ Marketing Concept ၊ Societal Marketing Concept တို့ဖြစ်ကြသည်။ တစ်ခုခြင်းစီကို အတိုချုံးရှင်းပြပါမည်။ ရှည်လျားစွာပြောရင် မိတ်ဆွေတို့ပျင်းမှာစိုး၍ ဖြစ်သည်။

Production Concept

-       ရိုးရှင်းပြီး တစ်ချို့အခြေအနေတွေမှာ လွန်စွာအသုံးတဲ့သည်

-       များများထုတ်လေ ၊ ကုန်ထုတ်စရိတ်နဲလေ ၊ အမြတ်ကျန်လေ ဆိုတဲ့ အတွေးမျိုးဖြစ်သည်

-       ကုန်ပစ္စည်းတွေများစွာထုတ်နိုင်တော့ ဈေးကွက်မှာ ဘယ်ကြည့်ကြည့်ကိုယ် ဆိုတာမျိုးဖြစ်သည်

-       များများဖြန့်နိုင်တော့ ရောင်းအားအတွက် အထောက်အကူဖြစ်သည်

-       ထိုအယူအဆတွင် မားကတ်တင်းနည်းဗျူဟာသည် ကုန်ထုတ်စွမ်းအားဖြစ်သည်

-       လူသုံးကုန်ပစ္စည်းများ ၊ ဈေးနှုန်းသက်သာသော ပစ္စည်းများတွင် တွေ့ရသည်

Product Concept

-       အရည်အသွေးကောင်းရင် ရောင်းကောင်းသည်ဆိုတာမျိုးဖြစ်သည်

-       ကုန်ပစ္စည်.းထုတ်လုပ်မှုက အရေအတွက်ကန့်သတ်ချက်ရှိသည်

-       BMW လ ို ပစ္စည်းမျိုးမှာတွေ့နိုင်သည်

-       အမြတ် Margin က မြင့်သည်

Selling Concept

-       Company အများစုလက်ကိုင်ထားနေတာကိုတွေ့ရသည်

-       ရောင်းရဖို့အဓိက ဖြစ်ပြီး လက်ငင်း အခြေအနေကို ရေရှည်ထက် ပို၍ တန်ဖိုးထားသည်

-       Huawei ကိုကြည့်ရင်သိနိုင်သည်။ ဈေးကွက်၏ လက်ငင်းလိုအပ်ချက်ကိုဖြည့်ကာ ရောင်းချရန် အားထုတ်သည်။ Nokia ၊ Apple တို့ကဲ့သို့ ၎င်းတို့၏ ပုံစံကို ထိန်းထားခြင်းမျိုးမတွေ့ရ။

-       ရောင်းရမည့် အနေအထားတွေ့လျှင် နည်းဗျူဟာ တစ်ခု ထပ်၍ ပြောင်းလဲရန် ဝန်မလေးပါ

Marketing Concept

-       သုံးစွဲသူက အရှင်သခင်ဖြစ်သည်

-       သုံးစွဲသူအတွက် အဆင်ပြေအောင် ၊ သုံးစွဲသူတွေကို သိမ်းပိုက်ထားနိုင်အောင် ဘာမဆိုလုပ်သည်

-       နောက်ဆုံးပန်းတိုင်မှာ သုံးစွဲသူအနေနှင့် သုံးရန်အကြောင်းရှိသည်နှင့် ကိုယ့်ကုန်ပစ္စည်း ၊ ကိုယ့်ဝန်ဆောင်မှုကို အရင်ဆုံးသတိရရေးဖြစ်သည်

-       ကိုယ့်ကို အလွန်နှစ်သက်နေသော ၊ ကိုယ့်ကို သုံးစွဲရမှုအပေါ် ဂုဏ်ယူနေသော လူ့အဖွဲ့အစည်းကို ဖန်တီးသည်

-       မဟာဗျူဟာ အားဖြင့် အဆင့်အမြင့်ဆုံးဖြစ်သည်

Societal Marketing Concept 

-       လူသားဆန်မှုကို စီးပွားရေးနယ်ပယ်တွင် လာရောက်ပေါင်းထဲ့ခြင်းလို့ဆိုချင်သည်

-       မိမိတို့စီးပွားရေးလုပ်ရင်းဖြင့် လူမှုနယ်ပယ်အတွက်ကိုပါ အကျိုးဆောင်ခြင်းကို အားပေးသည်။ ထိုသို့အားပေးခြင်းဖြင့် အဖွဲ့အစည်း၏ ဂုဏ်သတင်းသည် ပိုမိုကောင်းမွန်လာသည်

-       ထိုနည်းအားဖြင့် စီးပွားရေးလမ်းကြောင်းသည်ပိုကောင်းလာသည်

-       အမြတ်အစွန်းတစ်ချို့သည် သုံးစွဲသူများနှင့် ၎င်းတို့၏ ပတ်ဝန်းကျင်အတွက် ပြန်လည်သုံးစွဲရန် ယခုအယူအဆက အားပေးသည်

အထက်မှာရေးခဲ့တဲ့ ၅ ချက်က နောက်ဆုံးဖြစ်တည်လာသော မားကတ်တင်းအယူအဆ များဖြစ်သည်။  မိမိတို့၏ မန်နေဂျာက ဒါတွေကို သိတာလဲဖြစ်မည်။ မသိတာလဲဖြစ်မည်။ သေချာတာကတော့ သိနားလည်ထားသော မိတ်ဆွေတို့က အဆင့်မှီ Professional အဖြစ် ကိုယ့်အဆင့်မှာကိုယ် ဂုဏ်ရှိစွာနေနိုင် ပါလိမ့်မည်။

ကျေးဇူးဗျ

ပြည့်စုံဖြိုး